Yaadein dhundlaane lagi hain...

Lamha lamha jodkar banayi thi...
tune maine kitni yaadein banayi thi...

Ansoon.. muskurahatein...
Sharaartein... galtiyan... ladaayiyan...
aadhi aadhi raaton ki kitni kahaniyan....
bachpana... roothna... manaana....
na kehne par bhi bina dastak baar baar aana....

har kisse pe pyaar ki mohar lagayi thi...
kitne pyaar se sajayi thi...
humne kitni yaadein banayi thi...

Par ab boond boond pighalne lagi hain...
Teri meri yaadein... dhundlaane lagi hain...

Kasak....

Reh reh ke kasak uthti hai….
bujh bujh ke shama jalti hai…
ruk ruk ke teri raah…
yeh zindagi chalti hai…

Tham jayenge ek din…
kadam mujhse yeh kehte hain…
phir tere ghar ka pata…
poochne lagte hain…

Facebook Musings (17)

Saath jab bhi huye tanha...
Na tu tu raha... na main main rahi....
Haare har jeet mein hum...
Ek baazi aur sahi....

Facebook Musings (16)

Khayaalo mein, teri yaadon mein, tere mausamo mein rehte hain...
khamakha, hum bewajah... yun muskurate rehte hain...

Facebook musings (15)

Palkon ke neeche.... honthon ke beech... chhupa baitha hai....
tera naam tujh se jiyada... mera ban baitha hai...

Us raat.....

aadhe chand ki poori raat...
khidki se taare choone ki baat...
hothon pe ruke... ankhon se behte jazbaat
Subah hui thi... us raat...

Facebook musings.... (14)

Yun doobi rehti hain gham-e-intzaar mein sansen...
ki aqsar... aana jaana bhool jaati hain...

Dil to bacha hai ji...

Kitne dino se mooh fulaye baitha tha…
Na aawaz deta tha…
Sunta tha na kuch bhi….
Aaj zara si gudgudee kar di…
..to dekho kaise khil utha hai!...
Dhadkan kamzor ho chali…
par is dil ka bachpana…
jaata hi nahi!!