Facebook Musings (5)

Ruk jaa, tham jaa... thodi der ke liye manjil ki pukaar ko ansuna kar. Dekh.. pairon mein chaale pade hain.. dekh, ankhon mein khoon utra hai. Hathon ki rekhayen kuch ulajh si gayi hain. Chehre ki muskaan banawati si lagti hai... dil ki khushi aadhi si lagti hai..
Do kadam peeche chal... dekh, woh rishte toote pade hain... yaadein ghat si gayi hai... umr kat si gayi hai... ! Jara baith.. khud se najren mila. Jara naap, jara tol.. ek manjil ki chah mein kya kya khoya toone... jeene le liye jeena choda toone... ghaate ka sauda kiya toone!!

Facebook Musings (4)

Teri chahat ke badal yun ghir aate hain...

Sulgi sulgi sanson ko hawa de jaate hain...

Hai tapish gar ye to jal jaon main...

Teri rahon mein yun hi bikhar jaoon main...