Beete pal, thehri yaadein....

Aisa koi nahin
Jo aakar
Chala gaya ho

Jo bhi aaya
Maano ret mein apne
Kadmon ke nishan
Chhod gaya

Phir
ek kaatil leher aayi
aur sab kuch baha le gayi…

Us lehar ke saath
har pal, har lamha dhundla ho gaya.
Sab kuch beet gaya
nahin beete to tum.

Us geeli ret par
aaj bhi tumhare kadmon
ke nishan nazar aate hain….

Unglion se choo sakti hun main unhe
Unke talwon ki lakeere
padh sakti hun

Woh lakeere jo meri lakeeron
Se kabhi mil nahin payee

Kabhi kabhi sochti hun..
Jab sab kuch beh gaya
To tum kyun nahin?

charuta

charuta

Subah

Aaj is subah
mein kya baat hai?

Kya hua hai
ki har cheez mein tumhara tassavur hai
Har shay mein tumhari yaad…

Woh panchi jo meri khidki
par apne doston ke saath khel raha hai
Usse tumhara koi rishta to nahin?

Woh suraj jo apni thandi dhoop se
mere ghar ko ujagar kar raha hai
Kya woh bhi tumhe jaanta hai?

Woh chote chote bache jo ab bhi
subah to raat samjhe baithe hain
Unse se tumhara kya vaasta?

Yeh subah mujhse kya keh rahi hai?
Kyun sard hawa mein tumhara ehsaas hai?
Kyun geeli mitti mein tumhare kadmon ki nishan hain?
Kyun lagta hai ki tum mujhe choo rahe ho?
Mujhe dekh rahe ho?
Mujhe mehsoos kar rahe ho?

Aakhir, aaj is subah
ko hua kya hai?

Kyun na jaane...

Kyun na jaane
Tum is tapish ko nahin samjhe
Ek baar to mere saath jal liye hote

Kyun na jaane
Tum is mohabbat ko nahin samjhe
Ek baar to meri rah chal diye hote…

Maine dekhe the sapne
Tumne dekha sach
Ankhen band kar lete ek baar jo
Meri palkon mein reh gaye hote..

Ek baar to saamna kar liya hota
Zindagi ka, apna, mera…
Darte na tum agar
Ishq mein meri tarah jee liye hote…

Loneliness...

It creeps up…
On my strength
On my happiness
On my life

It opens up…
My chest of fears
My bag of insecurities
My house of hidden sorrows

Just when I find my ground,
Just when I find meaning
In this meaningless existence

It starts crawling on me…
It sucks on happiness
On my contentment

How cruel, how selfish,
This black, dark loneliness.

Panchi

Apne jeevan ki is udaan mein
Main kai shehron, kai janglon se gujra hun

Par aisa kyun lag raha hai ki
Aaj mere pankh kuch bhari se ho gaye hain

Koshish to bahut kar raha hun
Par zameen se uth nahin paa raha hun

Jaise ki zameen pe gond lagakar
Chipka diya ho kiseene.

Par jab aasman ki oar dekhta tun
To aisa lagta hai ki
Amber ka yeh tukda mera to nahin hai.

Aakash ka woh hissa zoh
Kabhi mera kahlaaya jaata tha
Kahin kho gaya hai.

Mujhe intezaar karna hoga,
Mere aakash, mere hisse ka.

Zab who mere sir ke upar aa zayega,
Tab zameen se har bandhan todkar
Main apne par ko aazaad kar
Ud zaaonga.

Ek Chand Ek Raat...

Chahat ka yeh kaisa majaa hai…
Ishq ka kaisa junoon
Har ghoont mein kaisa nasha hai…
Har dard mein kaisa sukoon

Ek tara toota hai kahin
Aur kahin ek choodi
Giri rakht ki boond hai kahin
Honthon se humne jo chakh li

Kahin tez sanson ka shor
Kahin uljhi zulfon ka manjar
Kahin bindiya, kahin sindoor
Kahin sharm, kahin guroor

Dekho baali giri hai wahan
Dekho aanchal pada hai yahan
Dekho hansi jhooti hain wahan
Dekho ansoon baha hai yahan

Do palkon ke neeche
Un hothon ke aas paas
Dheeme se kaha jo tumne
Lo, bujh gayi har pyaas

Aaj pure hue hain umr ke kai sapne
Aaj hue ho tum mere apne
Aaj uthi hai pyar ki khushboo
Aaj mehsoos kiya hai yeh jadoo

Mohabbat yaad rahe na rahe
Mohabbat ke is jazbaat ko yaad rakhna
Saath milkar hum tum behke the kabhi
Pure chand ki is haseen raat ko yaad rakhna…